Soulmates & Twinflames

Om een of ander rede het ek nog altyd, vandat ek kan onthou, geglo in sielsgenote.
Mense met wie jy 'n diep konneksie het, op
'n spirituele/siels "vlak". Ek het dit vanoggend gegoogle en "wow"! Daar is 'n verskil tussen sielsgenote en twinflames.
Sielsgenote kan enigiemand wees, jou broer, suster, ma, pa, kinders,vriende, wel eintlik almal wat op jou pad kom met die doel om deel uit te maak van jou lewenservarings en lesse. Dis gewoonlik iemand by wie jy iets moet leer of vir wie jy iets moet leer. Mense wat jou assisteer op jou lewensreis. Hulle beweer dat dit mense is wat jy ken, en gekies het om jou te assisteer op jou lewenspad. Sussa, ek het jou beslis gekies om my "leermeester" te wees!Jy maak die grootste deel uit van die "raadgewers" !!
En dan....Twinflames!! My lewe lank soek ek na die een persoon wat my sal
"complete",my ander helfte. Ek het nog altyd geglo mens weet wanneer jy daardie persoon ontmoet. Altyd gedroom oor 'n liefde groter as liefde self,
'n liefde wat alles oorwin en deurstaan,'n intense vreugdevolle gevoel van
JY IS DIE EEN EN ONS HOORT SAAM!! Sonder enige twyfel! Ek het nog nooit moeite gedoen om daaroor op te lees of dit te google nie, en meeste mense glo nie daaraan nie en reken dis onrealisties. Groot was my skok toe ek dit google en hulle dit presies beskryf soos wat ek geweet het dit moet wees! Ek het baie vrae gehad, soos:het almal so iemand, hoekom ontmoet party mense nooit hulle s'n nie,as dit outomaties die persoon is met wie jy trou, hoekom skei soveel mense? Toe lees ek, jou huweliksmaat is nie noodwendig jou "twinsoul" nie, julle het dalk net "shared responsibilities" in gemeen, soos om kinders in die lewe te bring. Soms het die kinders net nodig om 'n band, wel hulle noem dit karma, met een van die ouers te he,
daarom gaan die ouers dan weer uitmekaar om verder met hulle lewensreis aan te gaan en hulle "twinsoul" te ontmoet, of een ouer sterf dalk omdat hulle reis voltooi is. Almal het so iemand, maar soms het julle nie 'n gesamentlike taak om te voltooi nie, daarom kom julle nie bymekaar uit in die lewe nie, maar eers hierna! Of julle kom wel bymekaar uit, maar trou nie, omdat julle nie nou 'n gesamentlike taak het om te voltooi nie. Dus spandeer julle nie noodwendig al julle tyd en julle hele lewe bymekaar nie.
Die hoofdoel is, dat elkeen leer om hom/haarself eers lief te he, gelukkig te maak, emosioneel onafhanklik te wees, onvoorwaardelik lief te he, te kan vergewe ens.... dis onwaarskynlik dat jy en jou "twinsoul" bymekaar gaan kom as jy bg nog nie bemeester het nie!
Jy voel van baba-tyd af wat jou twinsoul voel, fisiese pyn, emosionele pyn,
jy is net nie bewus daarvan dat dit nie jou eie is nie. Soms kom jou twinsoul nie eers saam met jou aarde toe nie, en kyk na jou, soos 'n guardian angel!Die hunkering, die begeerte, die soeke, na jou twinsoul, is iets wat jy permanent voel, tot julle mekaar vind! Die leemte...
Hulle se ook jou twinsoul is gewoonlik, as jy 'n vrou is, jou manlike kant!
M.a.w. julle vul mekaar aan in elke opsig! En wanneer julle liefde maak, word julle werklik een... en jy voel "complete" en "whole". Wow!!!